Әннің шыққан уақыты белгісіз

Материалдар санатында: 1034
Материалдар көрсетілді: 371-380
Беттер: « 1 2 ... 36 37 38 39 40 ... 103 104 »

Бойынша іріктеу: Дате · Названию · Рейтингу · Комментариям · Просмотрам
Санаттан алынған материалдар "Қазақ тіліндегі әндердің сөздері"
0
Қарағым-ай,
Сұлулық осындай болады екен,
Бір басқа армансыз қонады екен,
Адамдар өмірге қонақ екен,
Шынымен бұл дүние шолақ екен.

Қарағым-ай,
Еліктер осылай жосады екен,
Жолыңнан сені кім тосады екен,
Бұл көңіл неліктен босады екен,
Бұл тағдыр сені кімге қосады екен.

Қайырмасы:
Қарағым-ай,
Қиылып-үзіліп қарадың-ай,
Қараған қандай сұлу жанарың-ай.

Қарағым-ай
Бұл өмір осылай өтеді екен,
Сүймесең дүние бекер екен,
Парақтап жинасаң бар ғұмырың,
Бір сүйген күніңе жете ме екен.
Санаттан алынған материалдар "Қазақ тіліндегі әндердің сөздері"
0
Арманым саған ауған,
Самал соқса жағалаудан.
Жүректе тербетілген
Ақжайығым,
Ақеркем,
Аңсаған ән өлкем.
Жаным-ау дара туған,
Ағыстардан жаратылған,
Жайықтың жағалай 
Тал жағасынан
Қымбаттым,
Сен маған тіл қаттың

Қайырмасы:
Өзіңсің жаным,
Жаңғыртқан әнім,
Каспийдің толқын тауларын.
Сенбісің көгілдір махаббаттым,
Алқызыл алаулы таңдарым. 

Айдыным шалқыған бір,
Дидарыңда толқыған нұр.
Мен сені көрдім, еркем,
Ерке теңіз
Аспанға маржандар шашқанда.
Айрылмас достығыңның
Айғағы ма қос бұрымың,
Жанымды нұрландырып,
Сенің шолпан жанарың
Алаулап барамын.

Қайырмасы:
Өзіңсің жаным,
Жаңғыртқан әнім,
Каспийдің толқын тауларын.
Сенбісің көгілдір махаббаттым,
Алқызыл алаулы таңдарым. 

Бір сәуле күлімдеген
Жанарыңнан дірілдеген.
Мен сені балықшының
Арманынан
Жан, сәулем іздеймін аңсаумен.
Арманым саған ауған
Самал соқса жағалаудан.
Жүректе тербетілген
Ақжайығым
Ақеркем
Аңсаған ән өлкем.
Санаттан алынған материалдар "Қазақ тіліндегі әндердің сөздері"
0
Теңіз болып толқыдың да шалқыдың,
Айдынымда шағалам боп қалқыдың.
Гүлім болып жайнап өскен жайлауда,
Самал болып аймаладың, алтыным, алтыным.

Бірге өткіздік талай күнді бал-шырын,
Сымбатыңа, сөздеріңе балқыдым.
Бұлбұл болып көңілімде сайрадың,
Жұлдыз болып жарқырадың, алтыным, алтыным.

Тамашалап сұлу бақты, тау суын,
Ортаға сап бөлуші едік жан сырын.
Оралмасқа кетті ме әлде сол күндер,
Сағындым ғой, кайда жүрсің, алтыным, алтыным.
Санаттан алынған материалдар "Қазақ тіліндегі әндердің сөздері"
0
Қайран күндер кешегі,
Сайран күндер кешегі,
Көрген түстей көңілден
Қалайша өшеді. 
Бақытыма балаған,
Жырға лайық санаған,
Жан серігім жалғанда
Сен едің қалаған.

Қайырмасы:
Қия алмадым, қимадым
Қинадың-ау, қинадың
Гүл орнына қайтейін, 
Саған мен мұң сыйладым.
Қарай бердің қиыла-ай
Қоштасудың қиыны-ай

Саған ғана жан сырын
Айтушы едім бал-шырын.
Бір кешкен күндер-ай,
Мөп-мөлдір тамшы-мұң.
Шығар ма екен бәрі естен
Көк түн мынау жан ескен
Жылап жатыр жүрегім
Нәп-нәзік нәрестем

Қайырмасы:
Ұя салған таңдайға,
Біз айтатын ән қайда
Амал бар ма тағдырға,
Жазылған маңдайға.
Ақ тілеулі арманға,
Сенен асқан жан бар ма
Жаралайды жанымды,
Көзден жас тамғанда
Санаттан алынған материалдар "Қазақ тіліндегі әндердің сөздері"
0
Жаз күнінде жайнаған 
Масатыдай жер сұлу,
Аққу-қаздар тойлаған
Айдын-шалқар көл сұлу.

Қайырмасы:
Өзгеден де ең сұлу 
Өмірлік дос, тең сұлу
Өзім сүйіп ұнатқан
Бәрінен де сен сұлу. 

Нұрын төккен қырмызы
Аспандағы күн сұлу.
Жымың қаққан жұлдызы
Айлы кеште түн сұлу.

Қайырмасы:
Өзгеден де ең сұлу 
Өмірлік дос, тең сұлу
Өзім сүйіп ұнатқан
Бәрінен де сен сұлу. 

Тәрбиелі, тамаша
Бал мінезді жар сұлу.
Таңданарлық қараса,
Талай абзал бар сұлу.
Санаттан алынған материалдар "Қазақ тіліндегі әндердің сөздері"
0
Жол – жетелейді арман мен мұраттарға,
Жол – жауап жоқ алады сұрақтарға.
Сен адастырма, арманым, жол бастаған,
Үйреттің өмір сырын алғаш маған.

Сен – қиялы құсым сапарға алып ұшқан,
Сен – арман ару, жаралған сағыныштан.
Сен – жас дәуренім, жүзіндей ақ алмастың,
Мөп-мөлдір кәусарыңа қана алмаспын.

Сен – арман-қиял, жетелеп жас күнімді.
Сен – ұрлап алып кетпеші жастығымды.
Сен – қол жетпейтін тұратын сағымнансың,
Жолдарда жүріп өткен әнім қалсын.
Санаттан алынған материалдар "Қазақ тіліндегі әндердің сөздері"
0
Қол соғып, жағада тал билегендей,
Тақалып, ерніңе ерінім тимегендей.
Асылым, аппақ нөсер саған ұқсап,
Шомылды алтын ай кеп шилі өзенге.

Қайырмасы:
Айлы түнім арман едің,
Ардағыма жалғап едің.
Арманыма жалғап едің.
Арманым-ай,
Ардағым-ай,

Өзендей, ой шомылған мені дірілдеп,
Қымтадың етегіңді сен күлімдеп.
Ойнайды қайта-қайта көйлегіңмен,
Аймалап менен бұрын жел жүгірмек.

Қайырмасы:
Айлы түнім арман едің,
Ардағыма жалғап едің.
Арманыма жалғап едің.
Арманым-ай,
Ардағым-ай,

Ерніңе балқып ернім жанасқанда,
Дегендей алыстамын: «Ей, жасқанба!»
Көзімді қайта ашқанда мен күлімдей,
Кетіпті көтеріліп ай да аспанға.

Қайырмасы:
Айлы түнім арман едің,
Ардағыма жалғап едің.
Арманыма жалғап едің.
Арманым-ай,
Ардағым-ай,
Жалған ба едің?!
Санаттан алынған материалдар "Қазақ тіліндегі әндердің сөздері"
0
Түн ұйқымды төрт бөлсем де кезінде,
Шек бола ма аналық бұл сезімде?
Бәрібір сол келіп тұрар айналғым
Өзім жаққан отым бар ғой көзіңде.

Қайырмасы:
Маған бақыт әр қызығың, әр жасың,
Сәт шағыңа қайтып мейір қанбасын.
Азамат боп атың шығып жатса да
Бәрібір мен деймін сені: «Қарғашым!».

Қалма айрылып адамдықтан қолда бар,
Беделіңді өзің тауып жолдан ал!
Еліңнің бір кәдесіне жарасаң
Ақ сүтімді ақтағаның сол болар.

Қайырмасы:
Маған бақыт әр қызығың, әр жасың,
Сәт шағыңа қайтып мейір қанбасын.
Азамат боп атың шығып жатса да
Бәрібір мен деймін сені: «Қарғашым!».

Кетпегей тек әлдилеген босқа әнім,
Түспесін тек, түспесін тек басқа күн.
Жалғыздықтан жаман нәрсе жоқ, жаным,
Лайымда көп болсын тек достарың!

Қайырмасы:
Маған бақыт әр қызығың, әр жасың,
Сәт шағыңа қайтып мейір қанбасын.
Азамат боп атың шығып жатса да
Бәрібір мен деймін сені: «Қарғашым!».
Санаттан алынған материалдар "Қазақ тіліндегі әндердің сөздері"
0
Мейірі мол балаға,
Бар әлемде анаға.
Басымызды иеміз,
Бабамыздың тілі деп,
Даламыздың үні деп,
Ана тілін,
Ана тілін,
Ана тілін сүйеміз.

Ақ сүтінен жаралған,
Ақ сүтінен нәр алған.
Анаға бас иеміз.
Туған елдің тілі деп,
Туған жердің үні деп,
Ана тілін,
Ана тілін,
Ана тілін сүйеміз.
Санаттан алынған материалдар "Қазақ тіліндегі әндердің сөздері"
0
Өмірге келдім,
Анамды көрдім,
Деді ол: жаным,
Арайлы таңым.
Самал боп желпіп,
Жырымен ертіп,
Үйретті тынбай
Бал тілін, әнін.

Қайырмасы:
Анамның тілі - айбыным менің,
Анамның тілі - ай-күнім менің!
Сүйемін байтақ елімді туған,
Сүйемін мәңгі - өмірді думан.

Мектепке келдім,
Ұстазды көрдім,
Тыңдадым сөзін
Табынып, сүйіп.
Анамның тілі,
Аяулы үні
Жүрекке нұрын
Жіберді құйып.

Қайырмасы:
Анамның тілі - айбыным менің,
Анамның тілі - ай-күнім менің!
Сүйемін байтақ елімді туған,
Сүйемін мәңгі - өмірді думан.
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.