Әннің шыққан уақыты белгісіз

Материалдар санатында: 1034
Материалдар көрсетілді: 51-60
Беттер: « 1 2 ... 4 5 6 7 8 ... 103 104 »

Бойынша іріктеу: Дате · Названию · Рейтингу · Комментариям · Просмотрам
Санаттан алынған материалдар "Қазақ тіліндегі әндердің сөздері"
0
Ал көтеріп аспанға қызыл сұңқар,
Кезің келді шарықтап, биік самғар!
Қарға-құзғын төбемнен төнбесін Бақ,
Жұлдызым бақшамда сөнбесін!

Қарға-құзғын фашисті жерге тапта,
Оған бақыт ұясын ойрандатпа!
Қарға-құзғын төбемнен төнбесін,
Бақ, жұлдызым бақшамда сөнбесін!

Бүгін жаудан аспанды сен қорғайсың.
Ертең Айға, Шолпанға сен барғайсың.
Қара ниет, қанішер жайрасын,
Бақ, жұлдызым бақшамда жайнасын!
Санаттан алынған материалдар "Қазақ тіліндегі әндердің сөздері"
0
Қызыл тон жаппасам да жарым саған,
Арналды жүрегімде барым саған, сәулем-ау!
Ерлікпен қан майданда қаза болсам,
Аманат намысым мен арым саған, сәулем-ау!
Арналды жүрегімде жалын саған,
Қашанда қарлығаштай жаным саған, сәулем-ау!
Айғағы айнымастай махаббаттың,
Майданнан шалқып ескен әнім саған, сәулем-ау!
Ризамын не тұрса да бақ пен сорға,
Өтемін бұл дүниеден сені қорғап, сәулем-ау!
Қызыл тон осы болсын өзім жапқан,
Мінгізген тайпалмалы әнім жорға, сәулем-ау!
Санаттан алынған материалдар "Қазақ тіліндегі әндердің сөздері"
0
Біз қазақ ежелден еркіндік аңсаған,
Бостандық өмір мен ар үшін қиған жан.
Торлаған тұманнан жол таппай тұрғанда,
Жарқырап Лениндей күн шығып, атты таң.

Қайырмасы:
Жасасын Советтер Одағы,
Жеткізген еркіндік, теңдікке,
Бастайтын елдерді достыққа,
Жеңіске, шаттыққа, ерлікке!

Дақ салмай Лениннің жеңімпаз салтына,
Ұрпағы қосты даңқ Отанның даңқына.
Одақтас, ұрандас елдердің қамқоры,
Көп алғыс айтамыз ұлы орыс халқына.

Қайырмасы:
Жасасын Советтер Одағы,
Жеткізген еркіндік, теңдікке,
Бастайтын елдерді достыққа,
Жеңіске, шаттыққа, ерлікке!

Іргелі мемлекет, ерікті болдық ел,
Достықпен, бірлікпен жайнайды туған жер.
Еңбекке, майданда жеткізген жеңіске,
Данышпан партия – сүйікті кемеңгер.

Қайырмасы:
Жасасын Советтер Одағы,
Жеткізген еркіндік, теңдікке,
Бастайтын елдерді достыққа,
Жеңіске, шаттыққа, ерлікке!
Санаттан алынған материалдар "Қазақ тіліндегі әндердің сөздері"
0
Келеді қараторғай қанат қағып,
Астына қанатының маржан тағып.
Бірге өскен кішкентайдан сәулем едің,
Айрылдым қапылыста сенен нағып.

Қайырмасы:
Қараторғай,
Ұштың зорға-ай.
Бейшара, шырылдайсың,
Жерге қонбай.

Ертістің аржағында бір терең сай,
Сүйреткен жібек арқан тел қоңыр тай.
Ағаштың бұтағына қоңып алып,
Сайрайды, таң алдында қараторғай.

Қайырмасы:
Қараторғай,
Ұштың зорға-ай.
Бейшара, шырылдайсың,
Жерге қонбай.
Санаттан алынған материалдар "Қазақ тіліндегі әндердің сөздері"
0
Қалқашым берді қол айна,
Қоштасар шақта сыр айтып.
«Ұмытпа сәулем, мені ойла,
Суытпа жанды мұңайтып...»

Оқуға кетті ол аттанып,
Қарайлап қалдым жолына.
Қайта да, қайта хат барып,
Қуантқан шығар оны да.

Қалқамның берген сыйы деп,
Қайта да, қайта қараймын.
Қарайды маған күлімдеп,
Айнадан менің арайлым.

Көз алмай қарап айнадан,
Көргендей оны болам мен.
Жалынсың деймін лаулаған,
Жанымсың деймін оған мен.
Санаттан алынған материалдар "Қазақ тіліндегі әндердің сөздері"
0
Ауылында бар Ағаның қызқарағай,
Тал бойында бір мін жоқ қыз баладай.
Ақ балтырлы ақ қайың арасында,
Жалғыз өсіп асқақтап тұр дарағай.
Қызқарағай, қызқарағай...
Жалғыз өсіп асқақтап тұр дарағай.

Ауылында бар Ағаның қызқарағай,
Қызығамыз көркіне біз баладай.
Аясынан жанына сая тауып,
Оған мәңгі ұл менен қыз қарағай.
Қызқарағай, қызқарағай...
Оған мәңгі ұл менен қыз қарағай.

Ауылында бар Ағаның қызқарағай,
Өтпес адам қасынан бір қарамай.
Ыстықта да, суықта өңін бермес,
Өзі ме екен Ағаның қызқарағай...
Қызқарағай, қызқарағай...
Өзі ме екен Ағаның қызқарағай. 
Санаттан алынған материалдар "Қазақ тіліндегі әндердің сөздері"
0
Жүкке жапқан ақ киіз талдырмасы, дүни(е)-ай,
Көңілімді, ағалар, қалдырмаш(ы)-ай-ай.
Көңілімді, ағалар, қалдырсаң да, дүни(е)-ай,
Алақандай ақ жаулық салдырмаш(ы)-ай-ай.

Қайырмасы:
Өмір зая, жалған-ай,
Қайран елім, қалған(ы)-ай
Санаттан алынған материалдар "Қазақ тіліндегі әндердің сөздері"
0
Жүрегімнің аңсаған арманы сен едің,
Таңғы нұрдай жайнаған аппақ жүзің сенің.
Қинай берді жанымды, аямады мені,
Тыя алмадым жасымды, таба алмадым сені.

Қайырмасы:
Қайдасын, қайдасын сен,
Жұлдызым көкте жүзген.
Ізіңнен еріп келем,
Саған ерем, тек саған сенем.

Қайдасын, қайдасын сен,
Жұлдызым көкте жүзген.
Ізіңнен еріп келем,
Саған ерем, тек саған сенем.

Сені іздедім бақтарда, үмітті үзбедім,
Сенен артық жан бар ма, соны түсінбедім.
Жылдар өтті жалғасып, арманым боп қалдың,
Жалғыздықпен достасып, сені әнге салдым.

Қайырмасы:
Қайдасын, қайдасын сен,
Жұлдызым көкте жүзген.
Ізіңнен еріп келем,
Саған ерем, тек саған сенем.

Қайдасын, қайдасын сен,
Жұлдызым көкте жүзген.
Ізіңнен еріп келем,
Саған ерем, тек саған сенем.
Санаттан алынған материалдар "Қазақ тіліндегі әндердің сөздері"
0
Е-е-ей!
Жайлауында жүрген жігіт бағып қой,
Дос келді деп, жасап жатыр анық той.
Алғашқы рет көріп тұрсың сен оны,
Нағыз қазақ осы, міне, танып қой.
Сәйгүлікті құйрық-жалы таралған,
Сүйетұғын қазақ осы, қараңдар.
Қазақ осы күй шығарып, ән салып,
Көкпар тартып, қыз қууға жаралған.
Қазақ осы - айтатұғын желге сыр,
О, ағайын, халық емес ол кесір.
Қазақ осы - аңғал-саңғал жабусыз,
Қазақ осы - ағыл-тегіл, көл-көсір.
Айхай!
Қазақ осы - ағыл-тегіл, көл-көсір.
Е-е-ей!
Қазақ осы - дала дейтін, күн дейтін,
Қазақ осы - «Өнер алды - тіл» дейтін.
Қазақ осы - қарасың ба, ақсың ба,
Қоңырсың ба, жатырқауды білмейтін.
Қазақ осы - көргенінен танбайтын,
Той-думансыз оты түзу жанбайтын.
Қазақ осы - алудай-ақ алатын,
Ал беруден алдына жан салмайтын.
Қазақ осы - ашық жарқын қабағы,
Қонақ келсе шабылып бір қалады.
Байқа да тұр, саған да ол кетерде,
Ат мінгізіп, жібек шапан жабады.
Айхай!
Ат мінгізіп, жібек шапан жабады.
Е-е-ей!
Қазақ осы - құда бол деп қинайтын,
Құдаларын құдайындай сыйлайтын.
Қазақ осы - дүние мен малыңды,
Оңды-солды шашу үшін жинайтын.
Қазақ осы - жайып жатқан қанатын,
Батыр халық, ақын халық - дәл аты.
Қазақ осы - өзімсінген адамға,
Насыбайға бола өкпелеп қалатын.
Жайлауында жүрген жігіт бағып қой,
Дос келді деп, жасап жатыр анық той.
Алғашқы рет көріп тұрсың сен оны,
Нағыз қазақ осы, міне, танып қой.
Айхай!
Нағыз қазақ осы, міне, танып қой.
Санаттан алынған материалдар "Қазақ тіліндегі әндердің сөздері"
0
Қара бауыр қасқалдақ, қайда ұштың пыр-пырлап?
Сазың қалды сәбидің еңбегіндей былқылдап.
Қара бауыр қасқалдақ, кері қайт,
Сиреп қалған тоғайға «қамықпа» деп көңіл айт.

Қайырмасы:
Ұя қалса иесіз - айдын үшін сол қайғы,
Қаңғып келген шүрегей көлге пана болмайды.

Өз босағаң - бұл жердің тауы, қыры, белесі,
Босағасын басқаға тастай ма екен, о, несі.
Қара бауыр қасқалдақ, кері қайт,
Сиреп қалған тоғайға «қамықпа» деп көңіл айт.

Қайырмасы:
Ұя қалса иесіз - айдын үшін сол қайғы,
Қаңғып келген шүрегей көлге пана болмайды.
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.