Әннің шыққан уақыты белгісіз

Материалдар санатында: 1034
Материалдар көрсетілді: 591-600
Беттер: « 1 2 ... 58 59 60 61 62 ... 103 104 »

Бойынша іріктеу: Дате · Названию · Рейтингу · Комментариям · Просмотрам
Санаттан алынған материалдар "Қазақ тіліндегі әндердің сөздері"
0
Егеменді ел болдың, қазақ елім-ай,
Биік болсын елімнің шыққан белі-ай.
Шет елдегі қандастар басын қосып-ай,
Жиналды ғой елімнің етек-жеңі, ай.

Қазақ халқым-ай,
Ашық жарқын-ай!
Ұмытпайық қашанда
Ата салтын-ай!

Бір мекені аққудың айдын көлі-ай,
Мақсатына жетсе екен қазақ елі-ай.
Шөбі шүйгін, аспаны мөлдір болып-ай,
Гүлденсе екен елімнің байтақ жері-ай.
Санаттан алынған материалдар "Қазақ тіліндегі әндердің сөздері"
0
Сылдыр-сылдыр сылдырап,
Мөлдір бұлақ ағады.
Былдыр-былдыр бал құрақ,
Көмкереді жағаны.

Балғын-балғын балалар,
Саялайды құрақта.
Отырады жағада,
Шомылады бұлаққа.

Күнде келіп апам да,
Мөлдіреген су алып.
Тұнығынан шопан да,
Тұрады қой суарып.

Түрлі-түрлі, не түрлі,
Бар-ау қызық мінезі.
Еліктейтін секілді
Адамға да бұл өзі.

Тайызынан су алса,
Лайлана қалады.
Тереңінен су алса,
Күлім-күлім қағады.
Санаттан алынған материалдар "Қазақ тіліндегі әндердің сөздері"
0
Қалада көлік көп,
Қалада апат көп.
Сақтайтын апаттан,
Тек қана бағдаршам.
Бағдаршам, бағдаршам.

Бағдаршам біледі,
Бәрін де көреді.
Адам да, көлік те,
Сол шаммен жүреді.
Бағдаршам, бағдаршам.

Үлкен біздің қаламыз,
Есте сақтап аламыз.
Қызыл, жасыл, сары шам,
Көшеде тұр бағдаршам.
Бағдаршам, бағдаршам.
Санаттан алынған материалдар "Қазақ тіліндегі әндердің сөздері"
0
Еркін елдің ұл-қызы,
Жарқыраған жұлдызы.
Би билейміз бәріміз,
Айдай толқын нұр жүзі.

Қайырмасы:
Біз балдырған баламыз,
Оқып білім аламыз.
«Айгөлекті» билесек,
Бақытты, шат боламыз.

Жадырасын бойымыз,
Өркендесін ойымыз.
Би билейік келіңдер,
Қызсын кештер, тойымыз.

Қайырмасы:
Біз балдырған баламыз,
Оқып білім аламыз.
«Айгөлекті» билесек,
Бақытты, шат боламыз.

Тыңдасын жұрт жан салып,
Тыңдай қақсын тамсанып.
Көтереміз көңілді,
«Айгөлек» деп ән салып.

Қайырмасы:
Біз балдырған баламыз,
Оқып білім аламыз.
«Айгөлекті» билесек,
Бақытты, шат боламыз.
Санаттан алынған материалдар "Қазақ тіліндегі әндердің сөздері"
0
Айналайын туған елімнен,
Байтақ жатқан құтты жеріңнен.
Ұл-қызыңа шалқып әрдайым,
Орын берген сыйлы төріңнен.

Бұлбұл құстай шырқап сайраймын,
Жас құрақтай көктеп жайнаймын.
Теңдік алған шалқар еліме,
Еңбек етем шаршап-талмаймын.

Қайырмасы:
Айналайын биіңнен, айналайын күйіңнен.
Шағаладай ақ күмбез, айналайын үйіңнен.
Айналайын әніңнен, айтылатын мәнімен.
Айналайын туыңнан, желбіреген сәнімен.

Майра апамдай сазды сызылтып,
Ән шырқаймын түрлі құбылтып.
Иса ағамдай ағып тасқындап,
Жыр ағытам шалқи шұбыртып.

Дина болып жауып нөсерлеп,
Күй тартамын төгіп әсерлеп.
Ата салтын биік қастерлеп,
Өрнек салам сәндеп-мәнерлеп.

Қайырмасы:
Айналайын биіңнен, айналайын күйіңнен.
Шағаладай ақ күмбез, айналайын үйіңнен.
Айналайын әніңнен, айтылатын мәнімен.
Айналайын туыңнан, желбіреген сәнімен.

Ұршығындай асыл әжемнің
Шыр айналып еркін билеймін.
Домбырама барлық әлемнің,
Әнін салып баптап күйлеймін.

Үлкен өнер қилы жолында,
Жалығуды әмсе білмеймін.
Нұрын шашқан күллі жаһанға,
Жарқыраған ашық күндеймін.

Қайырмасы:
Айналайын биіңнен, айналайын күйіңнен.
Шағаладай ақ күмбез, айналайын үйіңнен.
Айналайын әніңнен, айтылатын мәнімен.
Айналайын туыңнан, желбіреген сәнімен.
Санаттан алынған материалдар "Қазақ тіліндегі әндердің сөздері"
0
Ақ қанатты аққулар,
Аспан сәні секілді.
Әсемдіктің айдынға,
Қонақтаған өкілі.

Қайырмасы:
Ақ айдынның төсінде,
Ерке жүзген ертемен.
Қанатыңды жайғанда,
Неткен әсем, көркем ең.

Балапандар қасында,
Жырақ кетпей жүр жүзіп.
Су сабалап сәт сайын,
Солар асыр бір қызық.

Қайырмасы:
Ақ айдынның төсінде,
Ерке жүзген ертемен.
Қанатыңды жайғанда,
Неткен әсем, көркем ең.
Санаттан алынған материалдар "Қазақ тіліндегі әндердің сөздері"
0
Өмірдің бақтарында
Қарлығаштар қалықтайды
Көңілді шақтарында
Сайраңдаудан жалықпайды

Қайырмасы:
Ақтамақ қарлығаштар
Қаракөз қарындастар
Күн болып көріндіңдер
Гүл болып өрілдіңдер
Бақыт боп жаралдыңдар
Ән болып таралдыңдар
Қаракөз қарындастар
Ақтамақ қарлығаштар

Көшеде бара жатсаң
Кезідегі қарсы алдыңнан
Қиылған қара қастар
Көркіменен тамсандырған

Қайырмасы:
Ақтамақ қарлығаштар
Қаракөз қарындастар
Күн болып көріндіңдер
Гүл болып өрілдіңдер
Бақыт боп жаралдыңдар
Ән болып таралдыңдар
Қаракөз қарындастар
Ақтамақ қарлығаштар

Тұтатып үміттерді
Салқындықты жолатпайды
Қуантып жігіттерді
Бақыт болып қонақтайды

Қайырмасы:
Ақтамақ қарлығаштар
Қаракөз қарындастар
Күн болып көріндіңдер
Гүл болып өрілдіңдер
Бақыт боп жаралдыңдар
Ән болып таралдыңдар
Қаракөз қарындастар
Ақтамақ қарлығаштар
Санаттан алынған материалдар "Қазақ тіліндегі әндердің сөздері"
0
Көзіңе қадаламын
Күн нұрына балаймын
Өзіңнен нәр аламын
Шұғылаң боп тараймын
Бұбұлымсың
Қыр гүлімсің
Арайлым

Қайырмасы:
Келші, сәулем
Менің асыл арманым
Саған деген
Жүрек жырын арнадым

Қашанда мен жүремін
Жақындасаң жалын боп
Ерекше елжіредің
Тамылжыған таңым боп
Қалықтадың
Шарықтадың
Әнім боп

Қайырмасы:
Келші, сәулем
Менің асыл арманым
Саған деген
Жүрек жырын арнадым

Күлкің - күй, көңіл назы
Махаббатым, маржаным
Өзіңсің өмір жазы
Нұрға толы жан-жағым
Бақытымсың
Шабытымсың
Жан-жарым!

Қайырмасы:
Келші, сәулем
Менің асыл арманым
Саған деген
Жүрек жырын арнадым
Санаттан алынған материалдар "Қазақ тіліндегі әндердің сөздері"
0
Аұтылы қой өргізгенде шопаны
Ардақтым деп қастерлеген Отаны
Қайыстырып кең даласын елімнің
Қаптай берсін Жазылбектің отары

Қайырмасы:
Төлін егіз - егізден
Елі үшін өргізген
Жас қазақтар, жас таланттар
Өрлеп ұшқан - жас қанаттар
Елін сүйген Еңбек Ері Жазылбекшілер

Батыр сағы дауылдардан сыңбаған
Алақұйын жауындардан тынбаған
Ақсақалы Жазылбектей батыр боп
Асыл жандар ауылдарда шыңдалған

Қайырмасы:
Төлін егіз - егізден
Елі үшін өргізген
Жас қазақтар, жас таланттар
Өрлеп ұшқан - жас қанаттар
Елін сүйген Еңбек Ері Жазылбекшілер

Ерлік іспен жалындаған жанымыз
Жазылбектің шәкіртіміз бәріміз
Шаттанайық, мақтанайық сол үшін
Шартарапқа шарықтасын әніміз

Қайырмасы:
Төлін егіз - егізден
Елі үшін өргізген
Жас қазақтар, жас таланттар
Өрлеп ұшқан - жас қанаттар
Елін сүйген Еңбек Ері Жазылбекшілер
Санаттан алынған материалдар "Қазақ тіліндегі әндердің сөздері"
0
Көрікті көл беті
Көк елес көлбеді
Мен тұрмын жағада жабырқау
Ай нұры арайлы
Айдынға тарайды
Сүйіктім келер ме, япырмау?

Айдын көл, сен айтшы
Самал жел, сен айтшы
Жарыма құс болып ұшайын
Бір хабар берші, айым
Жақындап келші, айым
Лапылдап мәңгі құшайын

Айым боп қалқыдың
Қайың боп балқыдың
Қызықты көктемнің кешінде
Жарасты үніміз
Жарасты жырымыз
Тербелдік айдын көл төсінде

Гүлім боп аңқыдың
Нұрым боп шалқыдың
Өртеді тәнімді от лебің
Бақытты шақтарда
Жақұтты бақтарда
Өзіңмен бірге көктедім
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.