Қазақ тіліндегі әндердің сөздері - Әндер мәтіндерінің тізбесі - Қазақ әндерінің мәтіндері. Қазақ тіліндегі әндер сөздері.








Қазақ тіліндегі әндердің сөздері

Материалдар санатында: 1138
Материалдар көрсетілді: 211-220
Беттер: « 1 2 ... 20 21 22 23 24 ... 113 114 »

Бойынша іріктеу: Дате · Названию · Рейтингу · Комментариям · Просмотрам
Санаттан алынған материалдар "Қазақ тіліндегі әндердің сөздері"
0
Жарқыраған үнемi үмiт өтi
Күнiмдi жалғайсын
Сән-көркiндi көргенде елжiретiп
Баурап менi алғайсын
Қадiрiн нұр ойнаған дидарыңнан
Ерiксiз таң қалдырған
Сабыр салған мiнезiңнен
Шыдам шексiз сезiмнен

Аяулым, айқын бейне таным ай
Ак мандай арманым айдында
Аяулым, айқын бейне таным ай
Ак мандай арманым айдында

Өздерiңнен дүние сырлар ұғамын
Өзiңмен жүрегiм
Күн бейнеңды көкрегiн де қоршамын
Сенi ойлап жүремiн
Ажырамай айбарлы ажарыңнан
Сағынамын айдарлы
Сағым салған мiнезiңнен
Шыдам шексiз сезiмнен
Санаттан алынған материалдар "Қазақ тіліндегі әндердің сөздері"
0
Шет жүрсем - сағынарым,
Жабықсам - шағынарым
Анашым, бір өзіңсің
Табынарым

Қайырмасы:
Анашым, шалқып күлсең
Алдымда ұзақ жүрсең
Жүрегім жыр толғайды
Көңілім ортаймайды
Анасы бар адамдар
Ешқашан қартаймайды

Ұшырған сұңқарыңмын
Қияға шырқарыңмың
Бәйгеге өзің қосқан
Тұлпарыңмын

Қайырмасы:
Анашым, шалқып күлсең
Алдымда ұзақ жүрсең
Жүрегім жыр толғайды
Көңілім ортаймайды
Анасы бар адамдар
Ешқашан қартаймайды

Қорғаным - өзің деймін
Жан дауа - сөзің деймін
Анашым, сені ойласам
Көз ілмеймін...

Қайырмасы:
Анашым, шалқып күлсең
Алдымда ұзақ жүрсең
Жүрегім жыр толғайды
Көңілім ортаймайды
Анасы бар адамдар
Ешқашан қартаймайды
Санаттан алынған материалдар "Қазақ тіліндегі әндердің сөздері"
0
Көк еркесі Айша қыз майдандағы,
Бомбовозбен аспанды сайрандады.
Оны көрсе қалың жау қапылыста
Амал таппай қайықтай қайраңдады.

Қайырмасы:
Ай, біздің Айша,
Осылайша самғады,
Жауға көктен,
Жүргізді өктем, талмады.

Кемесінің кеудесін жерге тіреп,
Көрген емес еш тәулік жерге түнеп.
Жау дегенде от шашып жанарынан,
Жасқанбайтын ұлан ол, ер көкірек.

Қайырмасы:
Ай, біздің Айша,
Осылайша самғады,
Жауға көктен,
Жүргізді өктем, талмады.

Мың-мың алғыс Айшаның анасына,
Оны өсірген әлпештеп даласына.
Мың-мың алғыс халқына батыр қыздың,
Ерлік салтын үйреткен баласына.

Қайырмасы:
Ай, біздің Айша,
Осылайша самғады,
Жауға көктен,
Жүргізді өктем, талмады.
Санаттан алынған материалдар "Қазақ тіліндегі әндердің сөздері"
0
Әлі есімде, біледі жұрт, біледі,
Ел басына қатер төнген жыл еді.
Қимастарын қан майданға ұзатып,
Қарс айырылған аналардың жүрегі.

Қайырмасы:
О, аналар, осындайсың бәрін де,
Осындайсың жасың-дағы, кәрің де.
Сиынатын болса өмірде құдірет,
Сиынар ем ана деген тәңірге.

Соғыс жұлып кетті үйінің тірегін,
Соғыс бұзды қуанышын, реңін.
Тұрды ана күйеуінен айырылып,
Тұрды құшып тек қана оның күрегін.

Қайырмасы:
О, аналар, осындайсың бәрін де,
Осындайсың жасың-дағы, кәрің де.
Сиынатын болса өмірде құдірет,
Сиынар ем ана деген тәңірге.

Ақ сүті оның өтеусіз жай қала ма,
Борышты оған небір дарқан дана да!
Тірлік сеуіп келе жатқан дүниеге,
Әй, адамдар, жол беріңдер анаға.

Қайырмасы:
О, аналар, осындайсың бәрін де,
Осындайсың жасың-дағы, кәрің де.
Сиынатын болса өмірде құдірет,
Сиынар ем ана деген тәңірге.

Тағы да үміт, шек қала ма арманға,
Өмірге ынтық, ана шөлі қанған ба?!
Ана – үміт, ана – жігер, ана – азамат,
Одан берік, одан нәзік жан бар ма?!
Санаттан алынған материалдар "Қазақ тіліндегі әндердің сөздері"
0
Жұлдызым, қарашығым, айналайын,
Білесің айтпасаң да ана жайын.
Жау жеңіп тезірек кел, қарашығым
Төсіме қысып сені аймалайын.

Қайырмасы:
Сағындырдың, балам-ай,
Сәлем жазған анаң-ай.

Тілеулес атаң да отыр аман-есен,
Жауды жой, жер үстінен анам десең.
Жасарып, көзім нұры толар еді,
Еркелеп, құлыншағым үйге келсең.

Қайырмасы:
Сағындырдың, балам-ай,
Сәлем жазған анаң-ай.
Санаттан алынған материалдар "Қазақ тіліндегі әндердің сөздері"
0
Еркін елдің ұл-қызы,
Жарқыраған жұлдызы.
Би билейміз бәріміз,
Айдай толқын нұр жүзі.

Қайырмасы:
Біз балдырған баламыз,
Оқып білім аламыз.
«Айгөлекті» билесек,
Бақытты, шат боламыз.

Жадырасын бойымыз,
Өркендесін ойымыз.
Би билейік келіңдер,
Қызсын кештер, тойымыз.

Қайырмасы:
Біз балдырған баламыз,
Оқып білім аламыз.
«Айгөлекті» билесек,
Бақытты, шат боламыз.

Тыңдасын жұрт жан салып,
Тыңдай қақсын тамсанып.
Көтереміз көңілді,
«Айгөлек» деп ән салып.

Қайырмасы:
Біз балдырған баламыз,
Оқып білім аламыз.
«Айгөлекті» билесек,
Бақытты, шат боламыз.
Санаттан алынған материалдар "Қазақ тіліндегі әндердің сөздері"
0
Сенен сұлу, Ақтамақ, жан өтпейді-ай,
Ақылың асқан дариядай көз жетпейді, Ақтамақ.
Шыға келсең жалт етіп бұлт астынан-ай,
Қайран болмай көрген жан бір кетпейді, Ақтамақ.

Қайырмасы:
Айдың көлдің еркесі,
Ерке өскен-ай, Ақтамақ.
Гүл бақшада сайраған,
Бұлбұлымсың-ай, Ақтамақ.

Оқтан ұшқыр жарқ етсе қара көзің,
Қорғасындай балқытар айтқан сөзің, Ақтамақ.
Сымға тартқан күмістей нәзік белің,
Сәтті күні жаралған жансың өзің, Ақтамақ.

Қайырмасы:
Айдың көлдің еркесі,
Ерке өскен-ай, Ақтамақ.
Гүл бақшада сайраған,
Бұлбұлымсың-ай, Ақтамақ.
Санаттан алынған материалдар "Қазақ тіліндегі әндердің сөздері"
0
Көгеріп көрінбейді айна көлім,
Көктем де желпімейді майда лебін.
Ағарып атқан таңдай қарсы алатын,
Аяулы ақ сұңқарым қайда менің.

Күн сайын қарсы аламын таң арайын,
Қалқамның алма бағын аралаймын.
Сыбырлап сыр айтпайды сұлу емен,
Мүлгиді тасаланып бала қайың.

Ақ жүзін көрмегелі айлар өтті,
Көктем де, желпімейді майда лепті.
Алтын ай, сыбырлашы сағындым ғой,
Аяулы ақ сұңқарым қайда кетті.
Санаттан алынған материалдар "Қазақ тіліндегі әндердің сөздері"
0
Бар еді тату күндер аққуды өпкен,
Барады баурап үні «гаккулеткен».
Сарыарқа сырнайлатып сәні келді,
Жыл құсы жылы жақтан аққу жеткен.

Қайырмасы:
Аққу, қаздар саңқылдайды,
Қамыс, қоға ән тыңдайды, «гаккулеткен».
Осы екен ғой біздің көлге аққу жеткен.

Ғаламат көзге алыстан көрінгенің,
Айдынның жан саяхат төріндемін.
Махаббат қуанышқа шомылғанда,
Көрдің бе ән нөсері төгілгенін.

Қайырмасы:
Аққу, қаздар саңқылдайды,
Қамыс, қоға ән тыңдайды, «гаккулеткен».
Осы екен ғой біздің көлге аққу жеткен.

Қуансам бақытыма тап болардай,
Толғандым ару құсқа ат қоя алмай.
Ей қалқа! Таң мезгілде сырласайық,
Толқынға тербетіліп жатшы оянбай.

Қайырмасы:
Аққу, қаздар саңқылдайды,
Қамыс, қоға ән тыңдайды, «гаккулеткен».
Осы екен ғой біздің көлге аққу жеткен.
Санаттан алынған материалдар "Қазақ тіліндегі әндердің сөздері"
0
Ақ Жайық, асыл өзен, дария суым,
Шертілер сенен бөлек бар ма сырым.
Мен өстім толқыныңда аунап сенің,
Жағаңда жатып тыңдап орман шуын.

Күміс өзен күмбірлеп,
Сыр құясың жаныма.
Сіңгендейсің бір-бірлеп,
Туысымдай қаныма.

Жағаңда қалды біздің балалық шақ,
Толқынмен ойнап өттік аударыспақ.
Арман не, өмір-теңіз арнасына,
Сарқылмай құя берсек саған ұқсап.

Туған өзен Ақ Жайық,
Тербет бізді тағы да.
Барып қайтсам, шіркін-ай,
Сонау сәби шағыма.
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.