Қазақ тіліндегі әндердің сөздері

Материалдар санатында: 1138
Материалдар көрсетілді: 331-340
Беттер: « 1 2 ... 32 33 34 35 36 ... 113 114 »

Бойынша іріктеу: Дате · Названию · Рейтингу · Комментариям · Просмотрам
Санаттан алынған материалдар "Қазақ тіліндегі әндердің сөздері"
0
Жазира, жасыл кілем өрнектеген
Туған жерге, дариға, жер жетпеген!
Кең өлкем, әлдилей бер, сен деп келем,
Аңсап келем, сағынып, шөлдеп келем

Қайырмасы:
Саумал бұлақ - балдай дәрім
Салқын самал - баурайларың
Саялаған, беу, туған жер,
Сағындырған, Саржайлауым!

Армысың, ата-қоныс, жасыл мекен!
Ұланыңмын, мен сенің қасыңда өтем
Басқаның жерұйығын неғылайын,
Жерұйығы өзімнің қасымда екен!

Қайырмасы:
Саумал бұлақ - балдай дәрім
Салқын самал - баурайларың
Саялаған, беу, туған жер,
Сағындырған, Саржайлауым!

Жадырап, жұтайыншы тау самалын
Осы еді ғой сағынып аңсағаным.
Гүлдерім, шыршаларым, аршаларым
Бәріңе арнап мен бүгін ән саламын

Қайырмасы:
Саумал бұлақ - балдай дәрім
Салқын самал - баурайларың
Саялаған, беу, туған жер,
Сағындырған, Саржайлауым!

Жанымды жырға бөлеп таң атырған
Әкем едің ақ таңда жаратылған
Төліңнен айналайын жаңа туған!
Айналайын еліңнен дара тұрған!
Санаттан алынған материалдар "Қазақ тіліндегі әндердің сөздері"
0
Аралап талай жердің дәмін таттым,
Құс салып айдын көлде дабыл қақтым.
Айта алмай «Гаккуімді» ешбір адам,
Маймаңдап қоңыр қаздай мамырлаттым.

Түрленіп тоқсан түрлі ән саламын,
Жай тастап құлашымды, кең аламын.
Түскенде сен есіме, ерке Гакку,
Құлпыртып осынау әнді толғанамын.
Санаттан алынған материалдар "Қазақ тіліндегі әндердің сөздері"
0
Ауылым көшіп барады белден асып,
Белден асқан бұлтпенен араласып-ай.
Аулың алыс кеткенде, әй қарағым,
Ақ қағазбен жүрелік амандасып-ай.

Қайырмасы:
Қарайкөзім,
Бар ма есіңде сондағы
Айтқан сөзім-ай.

Ауылым көшіп барады лай көлге,
Шағи бешпет жарасар қынай белге-ай.
Аулың алыс кеткенде, қара көзім,
Көз жасыңды көл қылып жылай көрме-ай.
Санаттан алынған материалдар "Қазақ тіліндегі әндердің сөздері"
0
Арғынмын, атым Әсет арындаған,
Арындап ән сала ма дарымаған?
Аспанның аясында ән шалқытқан,
Бұлбұлмын даусым көкте дамылдаған.

Көмекей көк қабысын әнмен ашсам,
Төгіліп меруерт-маржан сауылдаған.
Жорғамын, жортарманмын жұрттан озған,
Майдамын майда желіс мамырлаған.

Сарайым – сабам құям пісіп-пісіп,
Қойдырман ән қымызын ой кернетіп.
Сөз – жаңбыр, даусым – дауыл, әнім – ескек
Ойнақтап басылатын аз желдетіп.
Санаттан алынған материалдар "Қазақ тіліндегі әндердің сөздері"
0
Мінгенім астымдағы көкшолақ-ты,
Жалы жоқ, құйрығы жоқ, шоп-шолақ-ты.
Ей, қыздар, қойшысынбай өлеңіңді айт,
Тұсыңа біздей құрбың келіп қапты.

Қайырмасы:
Олай жүрші, көкшолақ,
Былай жүрші көкшолақ.
Қыздар мінген байталды,
Жанай жүрші көкшолақ.
Жамандатқыр көкшолақ,
Арам қатқыр, көкшолақ,
Мені құртқан, көкшолақ.

Мінгенім астымдағы қызыл шолақ,
Қыз байғұс әкесіне аз күн қонақ.
Ей, қыздар, кедейсінбей өлеңіңді айт,
Тұсыңа келіп қалдым құдашалап.

Қайырмасы:
Олай жүрші, көкшолақ,
Былай жүрші көкшолақ.
Қыздар мінген байталды,
Жанай жүрші көкшолақ.
Жамандатқыр көкшолақ,
Арам қатқыр, көкшолақ,
Мені құртқан, көкшолақ.

Қызы едің сен бір байдың өтпей жүрген,
Келгенше жиырма беске кетпей жүрген.
Ей, қыздар, кедейсінбей өлеңіңді айт,
Мен қойшы сендей қызға жетпей жүрген.

Қайырмасы:
Олай жүрші, көкшолақ,
Былай жүрші көкшолақ.
Қыздар мінген байталды,
Жанай жүрші көкшолақ.
Жамандатқыр көкшолақ,
Арам қатқыр, көкшолақ,
Мені құртқан, көкшолақ.

Мен өзім Алатаудың ителгісі,
Қойшының қызға жақын икемдісі.
Кедейсің деп кемітпе, байдың қызы,
Келіп отыр құрбыңның сүйкенгісі.
Санаттан алынған материалдар "Қазақ тіліндегі әндердің сөздері"
0
Бақыт жайлы менің мынау білгенім
Бақыт деген – бірде шаттық, бірде мұң
Бақыт сол тәрік етіп түндерін
Бақыт іздеп азаптанса кімде-кім

Қайырмасы:
Бақыт деген – сенің бала күндерің
Бақытсыз-ақ бақытты боп жүргенің,
Бақытын да, басқасын да білмеуің, 
Бақытсыз-ақ ойнап – күлгенің.

Бақыт деген – әркімдерде бір арман
Сол арманның шыққан жері құмардан
Ал мен үшін ең бақытты күндерім
Бұл өмірде бақыт іздеп жүрген күндерім.
Санаттан алынған материалдар "Қазақ тіліндегі әндердің сөздері"
0
Нұр жауып тұрған көктемде
Гүл тере барсаң бөктерге,
Қоңыраулатқан аспанды
Найзағай шаншып өткенде
Есіңе мені алғайсың.
Қоңыраулатқан аспанды
Найзағай шаншып өткенде
Есіңе мені алғайсың.

Қазбауыр бұлттар маңғанда,
Орманға жазда барғанда
Арманда мені, арманда,
Мен бар деп мына жалғанда
Есіңе мені алғайсың.
Арманда мені, арманда
Мен бар деп мына жалғанда
Есіңе мені алғайсың.

Қараша келген шақтарда,
Құлазып тұрған бақтарда,
Жапырақ жайрап жатқанда,
Қурайлар сыңси қаққанда
Есіңе мені алғайсың.
Жапырақ жайрап жатқанда
Құрайлар сыңси қаққанда
Есіңе мені алғайсың

Ақ ұлпа жерді жапқанда,
Ағаштар сырға таққанда,
Бозарып атқан ақ таңда
Бозарып тұрып ақпанда
Есіңе мені алғайсың.
Жапырақ жайрап жатқанда,
Құрайлар сыңси қаққанда
Есіңе мені алғайсың.
Санаттан алынған материалдар "Қазақ тіліндегі әндердің сөздері"
0
Саған деген сағынышым жетер ме,
Жеткізе алмай мен өмірден өтем бе?
Жан анашым, жаутаңдадың баладай,
Қош айтысып мен ауылдан кетерде.

Қайырмасы:
Есен-аман жүрмісің, асыл ана,
Уақыт өрнек салған ба шашыңа да?
Қуандың ба,
Сағынып,
Атқан таңға,
Мұнайдың ба,
Қамығып,
Батқан күнге,
Асыл ана?!

Саған деген сезімдерім жетер ме,
Жеткізе алмай мен өмірден өтем бе?
Өмір болып басталады өзіңнен
Туған жерім, ата қоныс, мекен де.
Санаттан алынған материалдар "Қазақ тіліндегі әндердің сөздері"
0
Көзімнің қарасы,
Көңілімнің санасы,
Бітпейді іштегі
Ғашықтық жарасы.

Қазақтың данасы
Жасы үлкен ағасы
"Бар" демес сендей бір
Адамның баласы.

Жылайын, жырлайын
Ағызып көз майын.
Айтуға келегнде
Қалқама сөз дайын.

Жүректен козғайын,
Әдептен озбайын,
Өзі де білмей ме
Көп сөйлеп созбайын.
Санаттан алынған материалдар "Қазақ тіліндегі әндердің сөздері"
0
Мереке күніңмен
Қарсы алам өзіңді,
Сәбилік үніммен
Арнаймын сөзімді.

Қайырмасы:
Көргенше алаңмын,
Аңсаймын, толғанам.
Қабыл ал балаңның
Сәлемін жолдаған.

Бөбегің оянса
Ұйқыңнан мың тұрдың.
Гүліңмен балауса
Көктемдей құлпырдың.

Қайырмасы:
Көргенше алаңмын,
Аңсаймын, толғанам.
Қабыл ал балаңның
Сәлемін жолдаған.

Аялап алақан
Әлпештен өсірген.
Аяулы жан анам
Қатемді кешірген.

Қайырмасы:
Көргенше алаңмын,
Аңсаймын, толғанам.
Қабыл ал балаңның
Сәлемін жолдаған.

Сырымды ұғатын
Өзіңсің қуатым,
Күнімсің шығатын,
Айымсың туатын.
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.