Жайма шуақ көктемнің жасыл күні
Балбұлақтан естисің мың күлкіні
Аспан асты бір саған құмартқандай
Тамылжиды аулақта бұлбұл үні
Қайырмасы:
Аялап тербеткен
Сұрашы жер-көктен!
Әлемнің сенде қызығы
Күннің де сенде қызуы
Бір өзің аңсарым
Бір өзің жан-жарым?
Сабыр етші жан сәуле, тыңда тағы
Сен дегенде тау шыңы тіл қатады
Ақ қайыңмен сырласып ұзап шықсаң
Әншіл арман бір сен деп шырқатады
Қайырмасы:
Аялап тербеткен
Сұрашы жер-көктен!
Әлемнің сенде қызығы
Күннің де сенде қызуы
Бір өзің аңсарым
Бір өзің жан-жарым?
Кезсем дағы қай өлке қай даланы
Самал желі сені аңсап аймалады
Махаббаттың көрдің бе құдіретін
Жердің өзі бір сен деп айналады
Қайырмасы:
Аялап тербеткен
Сұрашы жер-көктен!
Әлемнің сенде қызығы
Күннің де сенде қызуы
Бір өзің аңсарым
Бір өзің жан-жарым?