Материалдар тарауында: 1138
Материалдар көрсетілді: 11-20
Беттер: « 1 2 3 4 ... 113 114 »

Санаттан алынған материалдар "Қазақ тіліндегі әндердің сөздері"
0
Көркіменен Күн көтерген қыранның,
Арқауына айналдың сан жыр-әннің.
Оңтүстігім – оттай ыстық мекенім,
Төсіндегі тұмарындай Тұранның.

Қайырмасы:
Елім менің,
Жерім менің – Оңтүстігім!
Бағым – барым менің,
Жаным – жалын – демім
Әнім – Оңтүстігім!

Жан тербеткен әннің елі, күй елі,
Сансыз бабтар сыр айтады жүйелі.
Қандай бақыт сенде туып, сенде өскен,
Келбетіңнен айналайын киелі.

Қайырмасы:
Елім менің,
Жерім менің – Оңтүстігім!
Бағым – барым менің,
Жаным – жалын – демім
Әнім – Оңтүстігім!
Санаттан алынған материалдар "Қазақ тіліндегі әндердің сөздері"
0
Таусылып тағат, амалым,
Өртеніп босқа барамын.
Көңілдің сырын
Көзімнен ұғып,
Моншаққа толы жанарым.

Уайымсыз, мұңсыз жан деме,
Ойлантты мені әлдене.
У ішсе жүрек,
Бөлінсе тілек,
Келмейсің, жаным, сен неге?

Тасынған кейде көлдейсің,
Қасында тұрып шөлдейсің.
Домбыра шертіп,
Бойымды ерітіп,
Әнім-ау, неге келмейсің?

Сезімнің күйін шайқаған,
Сен жайлы бүгін айтам ән.
Көркіңмен нәзік,
Дертімді жазып,
Оралшы, жаным, қайтадан.
Санаттан алынған материалдар "Қазақ тіліндегі әндердің сөздері"
0
Айдынында арайлы Орал қандай,
Ақжайық аңызынан жаралғандай.
Жайлауым жанатты,
Қарқыным қанатты,
Өмірге өр алып,
Толқынға оранып,
Құшады махабатты.

Қайырмасы:
Дабылы даланың,
Мұнайлы алабым.
Жолымен жорықтың,
Жауынгер Оралым.

Жылдарында жанына жорық батқан,
Кеудесіне көсемім жарық жаққан.
Қомдады қанатты,
Бақыттың таңы атты.
Жайылып жаңғырық,
Жағалау жаңғырып,
Қарсы алды махаббатты.

Қайырмасы:
Отыңа орадың,
Балға мен орағың.
Достықтың құшағы
Большевик Оралым.
Санаттан алынған материалдар "Қазақ тіліндегі әндердің сөздері"
0
Самалы жұпар жазғы бір кеште
Ойласам болды Ыстықкөл жақты,
Айтылған сырлар түседі еске
Оятқан сонда ақ махаббатты.

Қайырмасы:
Тулайды жүрек
Толқындай шалқып,
Аңсайды жүрек
Өзіңе тартып.
Сағынтқан әнім,
Әселім, жаным.

Тағдырмен қатал ойнатқан сонда,
Қайдасың менің армансыз күнім?
Бақ құсы едің, қонбадың қолға
Қапыда қалдым зар толып үнім.

Қайырмасы:
Тулайды жүрек
Толқындай шалқып,
Аңсайды жүрек
Өзіңе тартып.
Сағынтқан әнім,
Әселім, жаным.

Алыссың, жатсың білемін, сәулем,
Тағдырға нала не керек айтып?
Өмірде сол бір жарқ еткен дәурен
Әселім, сірә, келер ме қайтып?
Санаттан алынған материалдар "Қазақ тіліндегі әндердің сөздері"
0
Қорқыт бабамыздан қалған
Қобыз – өкініш пен арман.
Тыңдасаң сыр айтады, 
Көңілге мұң айтады.
Оғыз ұрпақтары тірі
Қобыз – замамнының үні.
Боз інген боздағаны,
Жүректі қозғағаны.

Қорқыт әруағы қозған,
Қобыз қиялынан озған
Шежіре шер дастаны,
Өнердің алдаспаны.
Қобыз – дүниенің шегі,
Қорқыт – Тәңірімнің тегі,
Мәрттігін мақұлдатқан,
Өлместің отын жаққан.
Санаттан алынған материалдар "Қазақ тіліндегі әндердің сөздері"
0
Бір белгі үшін осы әнімді сыйладым.
Әттең, сені басқа адамға қимадым
Балбыраған жас сәбидей жүзің де,
Көз алдымда тұр ғой сенің дидарың. 

Қайырмасы:
Ойлаймын мен жаным жалғыз жатқанда,
Ойлаймын мен оңаша бір шақтарда,
Неге солай жаратты екен адамды?
Айтшы, жаным, махаббатта шек бар ма?

Бір өмір ме, бір ай ма әлде, бір апта
Сен де мені ұмытарсың бірақ та
Бір-біріне ұмтылады неге адам
Жауап іздеп жүрмін осы сұраққа.
Санаттан алынған материалдар "Қазақ тіліндегі әндердің сөздері"
0
Жазғы таңның жайдары ескен самалы
Масайратты тау менен орман, даланы.
Қандай қызық өркені өскен өлкенің
Асқақ әні бойды билеп барады.

Қайырмасы:
Ай, сағындым Сарыарқаны,
Ай, сағындым Шыңғыс алқабын!
Тамылжыта ән шырқа, сүйген сәулешім
Біздің арқа – ән менен жырдың дарқаны

Жазғы түннің жаныңа жайлы кешінде
Асыр салып ойнауші едім төсінде.
Сай-салаңнан сәулеммен сүйген гүл теріп,
Сайраңдаған жас күнім әлі есімде.

Қайырмасы:
Ай, сағындым Сарыарқаны,
Ай, сағындым Шыңғыс алқабын!
Тамылжыта ән шырқа, сүйген сәулешім
Біздің арқа – ән менен жырдың дарқаны

Бала кезден баурады сенің құздарың,
Шынықтырған бетімнен сүйіп ызғарың,
Өскен өлке, ата-ананың борышын
Өтейді енді, ұлдарың менен қыздарың.
Санаттан алынған материалдар "Қазақ тіліндегі әндердің сөздері"
0
Бұл әнді салсам, дерсің-ау, мені әнші аға,
Сөздерім көп қой айта алмай жүрген қаншама.
Қоштаспа, жаным, қоштасқым менің келмейді,
Мені ойға тастап қайтатын кезің болса да.

Төгіліп жатқан бір әсем әннен құралған,
Ұзатса сені алысқа сыршыл бір арман.
Қайтейін, жаным, сағыныш толы жүректен,
Сұраймын сені көрдің бе деп те шынардан.

Жүрегім әр кез жұлдызым жалғыз сен дейді,
Көгімде және туар деп басқа сенбейді.
Сонда да болса жүрекке кінә артпашы
Қоштаспа, жаным, қоштасқым менің келмейді.
Санаттан алынған материалдар "Қазақ тіліндегі әндердің сөздері"
0
Аспан, аспан шайдай ашық,
Жұлдыз, жұлдыз қандай қашық.
Құс жолы, ғарыш көкке туған жерден
Телмірем жандай ғашық.
Қолға келіп қонса жұлдыз,
Жанға серік болса жұлдыз.
Ғарышқа қанат қақты туған жерден
Самғап қанша ұл-қыз.

Қайырмасы:
Құс жолы шақырады арман құсап,
Жұлдыздар жайып алдан құшақ.
Жаса мәңгі, жырға толы өлкем,
Жаса мәңгі, нұрға толы көркем өлкем!
Сен, Отан, жастық әннен қуат алған,
Бақыт құсы бүгін ұя салған.

Келді жайнап бала көктем,
Күткен еді дала көптен.
Шалғынды тербей есті ерке самал,
Жібектей жаңа леппен.
Ауыл, саған талмай ұштық,
Бұлақ суын қанбай іштік.
Қарлығаш ұя салған туған үйлер,
Бізге қандай ыстық.

Қайырмасы:
Құс жолы шақырады арман құсап,
Жұлдыздар жайып алдан құшақ.
Жаса мәңгі, жырға толы өлкем,
Жаса мәңгі, нұрға толы көркем өлкем!
Сен, Отан, жастық әннен қуат алған,
Бақыт құсы бүгін ұя салған.
Санаттан алынған материалдар "Қазақ тіліндегі әндердің сөздері"
0
Сенің от құшағыңда,
Дүниені ұмытып талықсыдым,
Жүрегімді өртеді жан ыстығың.
Мынау байтақ әлемде тек екеуміз,
Жүргендейміз айналып ғарышты мың.

Қайырмасы:
Арманым-ай, Ардағым-ай,
Ардағым боп неге қалмадың-ай.

Сен жанымда жүргенде,
Жанарымды толтырдың жылылыққа,
Жан жылуын балар ем ұлылыққа.
Ізеттілігін сезіндім бұл өмірдің,
Әр күніне тоймадым құнығып та.

Қайырмасы:
Арманым-ай, Ардағым-ай,
Ардағым боп неге қалмадың-ай.

Бірақ өзің айныдың,
Ұмыттың да барлығын жұмақ күннің,
Сен мысқылдап, мен болсам жылап тұрдым.
Өмір атты бұрқаған дарияға
Бұрымымнан ұстап ап лақтырдың.
Сонда ғана есейіп бұл жалғанда,
Бәрі алдамшы екенін бір-ақ білдім...

Қайырмасы:
Арманым-ай, Ардағым-ай,
Ардағым боп неге қалмадың-ай.
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.