| Материалдар санатында: 394 Материалдар көрсетілді: 81-90 |
Беттер: « 1 2 ... 7 8 9 10 11 ... 39 40 » |
Бойынша іріктеу: Дате · Названию · Рейтингу · Комментариям · Просмотрам
|
Ғашықтар халқы ұлылық күтті,
Орындалмасын кім білген.
Қағаз гүлдердің ғұмыры тіпті
Ұзқтау екен шын гүлден.
Қайырмасы:
Көршінің қызы керемет еді,
Әкесі оның - жақсы адам.
Ауылдан біздің неге кетеді,
Ауа райы ма жақпаған?
Ол қызға берер антым да дайын,
Сағына білдім әр тәулік.
Алты құрлыққа атыңды айтайын,
Алфавиттегі алты әріп.
Қайырмасы:
Көршінің қызы керемет еді,
Әкесі оның - жақсы адам.
Ауылдан біздің неге кетеді,
Ауа райы ма жақпаған?
Ештеңе етпес кідіріп келсе,
Уақыттың ұзақ көшінен.
Естелік үшін бір күліп берсе,
Ажалдың өзін кешірем.
Қайырмасы:
Көршінің қызы керемет еді,
Әкесі оның - жақсы адам.
Ауылдан біздің неге кетеді,
Ауа райы ма жақпаған?
|
-
ПІКІР ҚАЛДЫРУ
Рейтинг: 0.0-
Санаты: Қазақ тіліндегі әндердің сөздері
|
Күндер, күндер мұңайтып батты
Сол бір мөлдір сұрайық сәтті
Күндер, күндер жадырап атшы
Сол бір мол бір кездер-ай, тәтті
Қайырмасы:
Жаным сағынып сен де
Жаным сағынып мен де
Бір күн өтер өмірде
Құстар, құстар тағы да келді
Уақыт сырғып ағыла берді
Жалғыз, жалғыз жазықсыз жүрек
"Сен" деп шөлдеп сағына берді
Қайырмасы:
Жаным сағынып сен де
Жаным сағынып мен де
Бір күн өтер өмірде
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Туған жерім – гүл-көктем тұнып жатқан,
Байтақ елім – бақытым, ашық аспан.
Дария-дәурен жанымды жырға бөлеп,
Анамыздай аялап нұрын шашқан.
Қайырмасы:
Кең далам, кең далам, тірегім,
Саяңда, саяңда – түледім.
Сенімен, сенімен, туған жер,
Жастықтың жалыны, жазира тілегім.
Үміт құсы шарықтап аспанымда,
Қайрат құйды толқыған жас жаныма.
«Отаным!» деп жан берген Әлияңдай,
Бір әнің боп қалайын дастаныңда.
Қайырмасы:
Кең далам, кең далам, тірегім,
Саяңда, саяңда – түледім.
Сенімен, сенімен, туған жер,
Жастықтың жалыны, жазира тілегім.
Сеніменен мен бармын, туған елім,
Сеніменен байтақпын, асқар белім.
Жігеріммен жайнатып жазираңды,
Сеніменен құлпырдым, дарқан жерім.
Қайырмасы:
Кең далам, кең далам, тірегім,
Саяңда, саяңда – түледім.
Сенімен, сенімен, туған жер,
Жастықтың жалыны, жазира тілегім.
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Көзімнің қарасы,
Көңілімнің санасы,
Бітпейді іштегі
Ғашықтық жарасы.
Қазақтың данасы
Жасы үлкен ағасы
"Бар" демес сендей бір
Адамның баласы.
Жылайын, жырлайын
Ағызып көз майын.
Айтуға келегнде
Қалқама сөз дайын.
Жүректен козғайын,
Әдептен озбайын,
Өзі де білмей ме
Көп сөйлеп созбайын.
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Тербелді гүлдер далада,
Сүйгенім менің қалада.
Сүйемін сәулем, мен сені
Басқаны қалама.
Қайырмасы:
Қөңілімде бар түйгенім,
Сенсің, сәулем, сүйгенім
Көптен күткен, жарым менің
Қаракөз сүйгенім.
Ақ қайың тұрар иіліп,
Тау басында жиылып,
Сүйгенім менің алыста
Қараймын қиылып.
Қайырмасы:
Қөңілімде бар түйгенім,
Сенсің, сәулем, сүйгенім
Көптен күткен, жарым менің
Қаракөз сүйгенім.
Елжіреп сүйер жүрегім,
Бақытым сенсің білемін.
Сағынтпа мені, жан сәулем
Өзіңсің тілегім.
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Саған деген сағынышым жетер ме,
Жеткізе алмай мен өмірден өтем бе?
Жан анашым, жаутаңдадың баладай,
Қош айтысып мен ауылдан кетерде.
Қайырмасы:
Есен-аман жүрмісің, асыл ана,
Уақыт өрнек салған ба шашыңа да?
Қуандың ба,
Сағынып,
Атқан таңға,
Мұнайдың ба,
Қамығып,
Батқан күнге,
Асыл ана?!
Саған деген сезімдерім жетер ме,
Жеткізе алмай мен өмірден өтем бе?
Өмір болып басталады өзіңнен
Туған жерім, ата қоныс, мекен де.
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Алмалы Алатау асқарынан,
Келеміз көңілді ән шырқап.
Күн сүйген қазақтың жастарынан,
Сәлем ал, жалынды жас ұрпақ!
Қайырмасы:
Өмір таңын,
Шаттық әнін
Шырқаңдар әлемге, кел, жастар!
Махаббатпен,
Салтанатпен
Адымда, алға бас, жолдастар!
Кең пейіл Отанда қарсы аламыз,
Бақыт құс қонсын деп әр елге.
Біз жастар жаңғыртып жар саламыз,
Бейбіт күн болсын деп әлемді!
Қайырмасы:
Өмір таңын,
Шаттық әнін
Шырқаңдар әлемге, кел, жастар!
Махаббатпен,
Салтанатпен
Адымда, алға бас, жолдастар!
Жүректің толқынын қостық бүгін,
Көтеріп бейбітшіл ұранды.
Ешбір жан ұмытпас достық үнін,
Ешбір күш тоқтатпас бұл әнді!
Қайырмасы:
Өмір таңын,
Шаттық әнін
Шырқаңдар әлемге, кел, жастар!
Махаббатпен,
Салтанатпен
Адымда, алға бас, жолдастар!
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Біз тұрдық жол үстінде,
Жанымыз толы мұңға.
Тағдырдың білмеппіз-ау,
Жазбасын жолығуға.
Жолыңды тосып күнде,
Тұрушы ең гүлдеріңмен,
Алыстап кете бардың,
Зулаған күндеріңмен.
Қайырмасы:
Бақытты бол берілмей қайғы мұңға,
Бақытты бол махаббат айдынында.
Бақытты бол аққулы көліңдей мен
Көз алдымнан кетпейді-ау сенің бейнең.
Мұңды атқан таңдағы күз сарғайған солғын гүлдер
Бірге атқан таңдарымыз қайдасың сол бір күндер.
Тірегі тілегімнің ән бе еді көркем үнің
Қалауы жүрегімнің мәңгі еде ерке гүлім.
Қайырмасы:
Бақытты бол берілмей қайғы мұңға,
Бақытты бол махаббат айдынында.
Бақытты бол аққулы көліңдей мен
Көз алдымнан кетпейді-ау сенің бейнең.
Бақытты бол берілмей қайғы мұңға,
Бақытты бол махаббат айдынында.
Бақытты бол аққулы көліңдей мен
Көз алдымнан кетпейді-ау сенің бейнең.
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Теңіз болып толқыдың да шалқыдың,
Айдынымда шағалам боп қалқыдың.
Гүлім болып жайнап өскен жайлауда,
Самал болып аймаладың, алтыным, алтыным.
Бірге өткіздік талай күнді бал-шырын,
Сымбатыңа, сөздеріңе балқыдым.
Бұлбұл болып көңілімде сайрадың,
Жұлдыз болып жарқырадың, алтыным, алтыным.
Тамашалап сұлу бақты, тау суын,
Ортаға сап бөлуші едік жан сырын.
Оралмасқа кетті ме әлде сол күндер,
Сағындым ғой, кайда жүрсің, алтыным, алтыным.
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
|
Жазира, жасыл кілем өрнектеген
Туған жерге, дариға, жер жетпеген!
Кең өлкем, әлдилей бер, сен деп келем,
Аңсап келем, сағынып, шөлдеп келем
Қайырмасы:
Саумал бұлақ - балдай дәрім
Салқын самал - баурайларың
Саялаған, беу, туған жер,
Сағындырған, Саржайлауым!
Армысың, ата-қоныс, жасыл мекен!
Ұланыңмын, мен сенің қасыңда өтем
Басқаның жерұйығын неғылайын,
Жерұйығы өзімнің қасымда екен!
Қайырмасы:
Саумал бұлақ - балдай дәрім
Салқын самал - баурайларың
Саялаған, беу, туған жер,
Сағындырған, Саржайлауым!
Жадырап, жұтайыншы тау самалын
Осы еді ғой сағынып аңсағаным.
Гүлдерім, шыршаларым, аршаларым
Бәріңе арнап мен бүгін ән саламын
Қайырмасы:
Саумал бұлақ - балдай дәрім
Салқын самал - баурайларың
Саялаған, беу, туған жер,
Сағындырған, Саржайлауым!
Жанымды жырға бөлеп таң атырған
Әкем едің ақ таңда жаратылған
Төліңнен айналайын жаңа туған!
Айналайын еліңнен дара тұрған!
|
-
ПІКІР ҚАЛДЫРУ
- Рейтинг: 0.0
-
Санаты: Қазақ тіліндегі әндердің сөздері
Біз әлеум.желідеміз
 |
 |
 |
 |
 |
 |
 |
Онлайн всего: 1
Гостей: 1
Пользователей: 0
Күрке
Санаты
Сұрау
